 |
| สะออนอีสาน ฮอดเมื่อยามเดือนเก้า เฮ็ดบุญข้าว-ประดับดิน |
ผู้สนับสนุน
ฮอดเมื่อยามเดือนเก้า เฮ็ดบุญข้าว-ประดับดิน
ไปฟังธรรมจำศีล คือถิ่นฐานอิสานเค้า
แรมสิบสามค่ำเดือนเก้า
มาเด้อเฮา-ฟ้าวเร่งด่วน
ของคาวหวาน-แบ่งสี่ส่วน
ลองคำนวนเด้อเจ้า ผมสิเว้าสู่ฟัง
ส่วนที่หนึ่ง ให้เตรียมตั้ง ทั้งครอบครัวของเฮาก่อน
ส่วนที่สอง กะแน่นอน แบ่งเป็นตอน-ฝากพี่น้อง ผองญาติ-หมู่ทั้งหลาย
ส่วนที่สาม เผิ่นบอกไว้ ให้ผองญาติเสียชีวิต
เผิ่นอยากให้อุทิศ แก่ญาติมิตรผู้ลับล่วง สิทวงถ้าว่าส่วนบุญ
ส่วนที่สี่ กะทางพุ้น ให้เฮ็ดบุญถวายพระ
เป็นการอุปการะ ศาสนะพระพุทธะไว้ ให้เฮาได้-ใจชุ่มเย็น
ผู้สนับสนุน
 นมโคสดแท้ 100% ไม่ผสมนมผง
ผู้สนับสนุน
|
ส่วนที่เป็น-อุทิศญาติ-อย่า
เฮ็ดตองห่อ ของคาวหวานพร้อมนอ ห่อหมากพลูยาสูบพร้อม ตอมไว้-ไส่กระทง
ฮอดตีห้ากะหาซ่ง อยู่นำดงแถวท้ายวัด
พ้าวไปจัดแต่งไว้ ให้หมู่ญาติมารับเอา
วางของแล้วให้เจ้า เฝ้ากรวดน้ำส่งกุศล
เอิ้นเอาคนผู้ล่วงลับ มาฮับทานเฮาวางไว้
ถึงตอนเช้ากะแม่นได้ เลี้ยงอาหาร-เฮ็ดทานวัด
มีแนวได๋กะให้จัด ภัตตาหารเพลเช้า
ฟังพระเว้า เล่าพระธรรม ผมได้นำเรื่องแต่เค้า เว้าบรรยายในท้องถิ่น
นำเรื่องข้าวประดับดิน มาแจกแจงสู่เจ้า พออยากเล่าสู่หมู่ฟัง
ผู้สนับสนุน
วัคซีนพืช Big ที่ใช้ได้กับพืชทุกชนิด กระตุ้นภูมิคุ้มกันทำให้พืช
โดย หจก.ย.ทิพรัตน์ 083-415-5524 0944255947
โดย หจก.ย.ทิพรัตน์ 083-415-5524 0944255947
🌻🌻🌻🌻🌻🌻🌻🌻🌻
#สวนสัตว์ขอนแก่น
#หจก.ย.ทิพรัตน์
#นมโคสดแท้ 100% ไม่ผสมนมผง
#นมไทยเดนมาร์ค
#ข้าวประดับดิน
ไม่มีความคิดเห็น:
แสดงความคิดเห็น